Жол кырсыгынан үй-бүлө өлдү
Кыргызстандын Тышкы иштер министрлиги АКШда болгон автокырсык боюнча комментарий берди, анда өлкөнүн жараны катышкан. Бул окуянын натыйжасында төрт адам каза болду.
Кырсык 3-февралда Индианада, State Road 67 трассасында болуп, анда Кыргызстандын жараны Бекжан Бейшекеев, 1995-жылы туулган, катышкан.
Алдын ала маалыматтар боюнча, Бекжан башкарган жүк ташуучу унаанын жүргүнчү фургону менен кагылышуусунан төрт адам каза болду. Кырсыктын катышуучуларынын бири оор жаракат алып, ооруканга жаткырылды.
Учурда штаттын укук коргоо органдары тергөө иштерин улантууда, Бекжан камакта.
Кыргызстандын АКШдагы элчилиги жана Чикагодогу Генералдык консулдугу кырдаалды көзөмөлдөп, америкалык бийликтер менен, ошондой эле кармалган адамдын жумуш берүүчүсү менен байланышта болуп, окуяга байланыштуу зарыл чараларды көрүүдө», — деп билдиришти Тышкы иштер министрлигинен.
Министрлик каза болгондордун туугандарына жана жакындарына чын жүрөктөн көңүл айтып, жабыркаган адамдын тез арада сакайышына үмүт артууда.
Эми Иммиграция жана бажы кызматы (ICE) Бекжан Бейшекеевдин кармалышын тастыктады. Ага төрт адамдын өмүрүн алган ЖОЖ боюнча айыптар коюлду. Маалыматка ылайык, анын башкаруусундагы жүк ташуучу унаа каршы тилкеге чыгып, фургон менен кагышкан. Трагедиянын натыйжасында бир үй-бүлөнүн мүчөлөрү каза болду: 50 жаштагы Генри Айкер жана анын уулдары — 25 жаштагы Менно, 19 жаштагы Пол жана 23 жаштагы Саймон Жиро.
Сүрөт www
