Окуя 3-февралда Индиана штатындагы State Road 67 жолунда болуп, анда 1995-жылы туулган кыргызстандык Бекжан Бейшекеев катышкан.
Алдын ала маалыматтарга ылайык, Б.Б. башкарган жүк ташуучу унаа менен жүргүнчү фургону кагышып, төрт адам каза болуп, бир адам оор жаракат алып, ооруканга жаткырылган.
Учурда жергиликтүү укук коргоо органдары окуяны иликтеп жатышат, ал эми Б.Б. камакта.
Кыргызстандын АКШдагы элчилиги жана Чикагодагы Генералдык консулдук кырдаалдын өнүгүшүн көзөмөлдөп, жергиликтүү бийликтер менен, ошондой эле Бекжан иштеген компания менен байланышта болуп, бул окуяга байланыштуу зарыл чараларды көрүүдө, расмий билдирүүдө айтылгандай.
МИД жабыркагандардын үй-бүлөлөрүнө жана жакындарына чын жүрөктөн көңүл айтат жана жаракат алган адамдын тез арада сакайышын күтөт.
Эскерте кетсек, АКШда кыргызстандык Бекжан Бейшекеев кармалып, төрт адамдын өмүрүн алган бул жол кырсыгына катышы бар деп айыпталууда. Полициянын маалыматы боюнча, анын жүк ташуучу унаасы каршы тилкеге чыгып, фургон менен кагышкан. Бул тууралуу АКШнын Иммиграция жана бажы кызматы (ICE) маалымдады.
Каза болгондордун арасында 50 жаштагы Генри Айкер, 25 жаштагы Менно Айкер, 19 жаштагы Пол Айкер жана 23 жаштагы Саймон Жиро бар.
