Трагедиянын натыйжасында Айкер үй-бүлөсүнүн мүчөлөрү: 50 жаштагы Генри Айкер, анын 25 жаштагы уулу Менно, 19 жаштагы Пол жана 23 жаштагы Саймон Жиро көз жумду.
Интернеттен алынган сүрөт
Америкалык бийликтин маалыматына ылайык, Бейшекеев CBP One тиркемеси аркылуу өлкөгө кирип, Пенсильвания штатындагы Транспорт департаментинен коммерциялык айдоочулук күбөлүк (CDL) алган. Анын кармалышы Индиана полициясы тарабынан АКШнын Иммиграция жана бажы кызматы (ICE) менен биргеликте 287(g) программасынын алкагында жүргүзүлгөн.
Азыркы учурда Бейшекеев Форт-Уэйндеги ICE изоляторунда жана иммиграциялык териштирүүнүн жыйынтыктарын күтүп жатат. АКШнын өкүлдөрү ошондой эле айдоочулук документтерди алуу шарттары башкача болсо, трагедияны алдын алууга болорун белгилешет.
