Жалал-Абад облусунда, тактап айтканда Сузак районунда, мыйзамсыз жер участкаларын сатуу схемасы токтотулду. Бул тууралуу Улуттук коопсуздук мамлекеттик комитетинин (УКМК) маалымат кызматы билдирет.
Мамлекеттик комитет тарабынан берилген маалыматка ылайык, тергөө иш-чараларынын жүрүшүндө «Сузак тазалык коому» муниципалдык ишканасынын директору М.И. С.Н. менен биргеликте, Благовещенка айылында жеке турак жай куруу (ИЖС) үчүн жер участкаларын сатууну уюштургандыгы аныкталган. Алар айыл өкмөтүнөн алынган жасалма документтерди колдонуп, жер участкаларын 700 миңден 1,5 миллион сомго чейин сатышкан.
Мындан тышкары, мыйзамсыз сатылган участкаларды легалдаштырууга аракет кылып, фигуранттар жер амнистиясы боюнча мамлекеттик комиссиялар менен байланышкан процедураларды колдонушкан.
Кылмыш иши боюнча М.И. жана Н.С. кармалып, УКМКнын тергөө абагына киргизилди. Учурда кылмыштык иш-аракеттердин бардык эпизоддорун аныктоого, мыйзамсыз алынган каражаттын суммасын эсептөөгө жана бул схемага тиешеси бар башка адамдарды аныктоого багытталган тергөө иш-чаралары улантылууда.
