Тергөө маалыматтарына ылайык, «Сузак тазалык коому» муниципалдык ишканасынын директору М.И. жана анын шериги С.Н. айыл өкмөтүнүн жасалма токтомдорун колдонуп, жер участкаларын сатууга аракет кылышкан. Алар Благовещенка айылында жеке турак жай куруу үчүн участокторду алуу боюнча жардам берүүгө убада берип, аларды жарандарга 700 миңден 1,5 миллион сомго чейин баада сатышкан.
Мыйзамсыз алынган участокторду легалдаштыруу үчүн шектүүлөр мамлекеттик жер амнистиясы боюнча комиссиялар аркылуу талаштуу маселелерди карап чыгуу процедураларына кайрылышкан.
Кылмыш ишинин алкагында эки шектүү кармалып, УКМКнын тергөө изоляторуна киргизилген, тергөө уланууда.
