Ведомствонун маалыматына ылайык, оперативдик иш-чаралардын жүрүшүндө «Сузак тазалык коому» муниципалдык ишканасынын директору М.И. жаран С.Н. менен биргеликте, Благовещенка айылында жеке турак жай куруу үчүн жер тилкелерин алуу боюнча жардам көрсөтүү деген шылтоо менен, айыл өкмөтүнүн жалган токтомдорун колдонуп, жарандарга жер тилкелерин саткан.
Бир жер тилкесинин баасы 700 миңден 1,5 миллион сомго чейин өзгөрүп турган. Мыйзамсыз сатылган жер тилкелерин легалдаштыруу үчүн жер амнистиясы маселелери менен алектенген мамлекеттик комиссиялар аркылуу процедуралар колдонулган.
Кылмыш ишинин алкагында М.И. жана С.Н. кармалып, ГКНБнын убактылуу кармоо жайына киргизилди. Учурда кылмыштуу ишмердүүлүктүн бардык деталдарын, мыйзамсыз алынган каражаттардын суммасын жана башка мүмкүн болгон кылмышкерлерди аныктоо боюнча тергөө иштери улантылууда.
