Бул документке ылайык, 2026-жылдын 30-январынан 2026-жылдын 30-августуна чейин айдоочуларды даярдоо жана кайра даярдоо боюнча билим берүү процессин жакшыртууга багытталган эксперименттик режим киргизилет.
Бул эксперименттик мезгилде жеке билим берүү мекемелерине (авто мектептерге) билим берүү ишин жүргүзүү үчүн берилген лицензиялардын күчү токтотулат. Окуу мамлекеттик авто мектептерде гана жүргүзүлөт.
Президенттин иш башкармалыгына эксперименттик режимдин жыйынтыгы боюнча тиешелүү нормативдик актылардын долбоорлорун даярдоо тапшырылды.
Буйрук расмий түрдө жарыяланат жана 2026-жылдын 30-январынан тарта күчүнө кирет.
