Кыргызстанда Россиядан 15 миң литрден ашык кымызды алып келүүгө уруксат берилген жок

Чүй облусундагы «Ак-Тилек» көзөмөл өткөрүү пунктунда Россиядан 15 600 литр кымызды мыйзамсыз алып келүүгө аракет жасалганы катталды. Жүк кайра кайтарылды, деп билдирет КРнын Азык-түлүк жана айыл чарба министрлиги.

Ветеринардык көзөмөл инспекторлору текшерүү жүргүзүп, упаковкада өндүрүү датасынын жоктугун аныкташты, бул Кыргыз Республикасынын ветеринардык жана санитардык талаптарын бузат.

Бул жагдайга байланыштуу, аталган жүк үчүн Кыргызстандын мамлекеттик чек арасын кесип өтүүгө тыюу салган актылар түзүлдү. Натыйжада, товар «Ак-Тилек» өткөрмө пункту аркылуу Россияга кайра жөнөтүлдү.

Ветеринардык жана айыл чарба кызматтары өлкөнүн калкына коопсуз продукцияны камсыз кылуу боюнча активдүү иш алып барууда.