Кыргызстанга Россиядан 11 тонна колбаса продукциясы киргизилген жок

Чүй облусундагы «Ак-Тилек» чек ара ветеринардык контролдук пунктунда Россиядан 11 720 килограмм колбаса азыктарын мыйзамсыз алып кирүүгө аракет жасалганы катталды. Бул маалымат Суу чарба жана айыл чарба министрлигинен алынды.

ПВКПнын инспекторлору тарабынан жүргүзүлгөн текшерүү учурунда Евразия экономикалык биримдиги тарабынан белгиленген ветеринардык-санитардык нормалардын сакталбай жатканы аныкталды.
Ошондуктан, зарыл актылар түзүлүп, бул партиянын азыктарын Кыргызстанга алып кирүүгө тыюу салынды. Натыйжада жүк «Ак-Тилек» пункту аркылуу кайра Россияга кайтарылды.