Ал билим алууга 21 жаштан 28 жашка чейинки жаштар катыша алаарын, англис тилин билүү талап кылынарын белгиледи.
«Курстар акысыз, жана бардык окуучуларга айына болжол менен 70 миң сомдук стипендия берилет. Бүтүрүүчүлөргө экзамендерди ийгиликтүү тапшырган шартта жумуш менен камсыздоо кепилденет. Азыркы учурда биз авиадиспетчерлердин экинчи тобун даярдап жатабыз. Бирок, жагымдуу шарттарга карабастан, топту толуктоо жогорку талаптар, анын ичинде медициналык маалымдамалар жана симуляторлордо өтүүчү кыйын экзамендер себептүү кыйынчылык жаратууда», - деп кошумчалады Бостонов.
Мындан тышкары, ал Мамлекеттик агенттикте кадрдык резерв түзүлгөнүн, адистердин өлкө ичинде жана чет өлкөдөн келген адистердин катышуусунда туруктуу окутуулардан өтүп жатканын билдирди. Бостоновдун айтымында, эмгек шарттарын жакшыртуу, айлык акынын көтөрүлүшү жана турак жай менен камсыздоо программаларын камтыган мамлекеттик колдоо бул тармактагы кадрларды кармап калууга жардам берет.
