Анын маалыматына ылайык, регионалдык аэродромдордогу учуп-отурган тилкелердин орточо узундугу болжол менен 1 800 метрди түзөт. Бирок тоолуу жерлерде мындай өлчөм тегиз жерде аналогдук тилкеге тең келбейт.
«Тоолуу аэродромдордо 1 800 метр тегиз жердеги 1 800 метрге туура келбейт. Рельефтин тилкелердин жайгашуусуна тийгизген таасири аба кемелерин кабыл алуу мүмкүнчүлүктөрүн кыйла чектейт», - деп белгиледи ал.
Бостонов ошондой эле учурда мамлекеттик авиакомпания Asman Airlines тейлеген Bombardier Q400 учактары жана RG85 моделиндеги аба кемелери мындай аэродромдорго конууга мүмкүнчүлүк бар экенин, бирок бардык жерде эмес экенин айтты.
Агенттиктин башчысы учуп-отурган тилкелерди оңдоо жана калыбына келтирүүдө Кыргызстандын аэропортторунда Bombardier Q400 учактарынын техникалык мүнөздөмөлөрү эске алынганын кошумчалады. Бирок дүйнөдө мындай шарттарда иштей турган башка кичинекей аба кемелеринин моделдери да бар.
Мындан тышкары, ал учактарды кабыл алуу мүмкүнчүлүгүнө тилкелердин узундугу гана эмес, ошондой эле навигациялык жабдуулардын болушу жана аба ырайы сыяктуу башка ар кандай факторлор да таасир этерин баса белгиледи.
