Негизги көңүл стратегиялык маршруттарга, айланма жолдорго жана региондордогу долбоорлорго бурулат
2026-жылы Кыргызстан автомобиль жолдорун оңдоп, куруу боюнча кеңири иштерди жүргүзүүнү пландап жатат. Транспорт министрлигинин басма сөз кызматы мамлекеттик капиталдык салымдар алкагында 700 км жолду жаңылоону жана курууну, ошондой эле Титулдук тизмеге ылайык 457 км кошумча жол курууну пландаштырганын билдирди.
Учурда мамлекеттик бюджеттин эсебинен Балыкчы–Боконбаево–Каракол, Нарын–Баетов, Ала-Бука–Жаны-Базар–Кировка жана Сафаровка–Барпы сыяктуу негизги трассаларда иштер улантылууда.
Ошондой эле стратегиялык мааниси бар бир нече объекттерде, анын ичинде Түндүк–Түштүк альтернативдүү трассасында кошумча курулмаларды, Барскоон–Бедел жолун, Бишкектин түндүк айланма жолун, ошондой эле Лебединовка–ГЭС-5, Бишкек–Кант, Арашан–Чункурчак жана Бишкек–Кунтуу–Шопоков участкаларында иштер улантылат.
Инвестициялык демилгелер алкагында Суусамыр–Талас–Тараз жолунун реконструкциясы (IV фаза, 93 км) жана Корумду–Балбай Баатыр участкасында (79,3 км) ошондой эле Барскоондон Караколго чейинки жол (75 км) улантылат.
Жаңы долбоорлордун арасында Профсоюзная көчөсүн, жаңы Ош базарына жеткире турган жолду, Чолпон-Ата айланма жолун куруу, ошондой эле Ысык-Көл облусундагы жолдорду реконструкциялоо жана куруу, анын ичинде «Жыргалан» тоо лыжа базасына жана Жети-Огуз курортуна бараткан багыттар пландалууда.
Транспорт министрлигинде долбоорлорду ишке ашыруу процессинде өзгөртүүлөр жана толуктоолор болушу мүмкүн экенин белгилешти.
