Иштер ар кандай булактардан каржыланган:
- титулдук тизмеден — 328 км,
- капиталдык салымдардан — 1084,6 км,
- инвестициялык долбоорлордун алкагында — 133,2 км.
Ошондой эле өлкөдө 11 жаңы көпүрө ачылды.
Мамлекеттик бюджеттен каржыланган приоритеттүү объектилердин арасында төмөнкү автомобиль жолдорун куруу жана реконструкциялоо бар: Балыкчы–Боконбаево–Каракол, Нарын–Баетов, Ала-Бука–Жаны-Базар–Кировка, Бишкек–Ош автомобиль жолунун Суусамыр бөлүгү жана Сафаровка–Барпы жолу. Түндүк–Түштүк альтернативдүү трассасы боюнча беш кошумча объектте иштер жүрүп жатат. Улуттук маанидеги Барскоон–Бедель автомобиль жолунун курулушу ички ресурстардан каржыланууда.
Бишкекте алты тилкелүү түндүк айланма жолдун жана эки деңгээлдүү транспорттук түйүндөрдүн курулушу башталды, алардын үстүнөн убактылуу өтүү ачылган.
Учурдагы инвестициялык долбоорлордун арасында Суусамыр–Талас–Тараз, Корумду–Балбай–Баатыр, Барскоон–Каракол автомобиль жолдорунун курулушу жана Бишкек–Ош автомобиль жолунда 748 метр узундуктагы туннелдин курулушу белгиленген, деп билдирет маалымат.
