Маршруттарга 50 автобус чыгып, таңкы 5:00дөн 12:00гө чейин иштейт, шаардыктар үчүн ыңгайлуу транспортту камсыздайт.
Иш-чаранын уюштурууучуларынын бири Толкунбек ажы Жуманов, бул демилгени уюштуруунун негизги максаты — борбордун тургундарына жана конокторуна майрамдык маанай тартуулоо, ошондой эле майрамдык намазга бараткан адамдардын жолун жеңилдетүү экенин белгиледи.
Эртең, 20-мартта, Турдакун Усубалиев атындагы эски аянтта майрамдык айт-намаз өтөт. Программа 7:00дө Куранды окуу менен башталат, андан кийин диний ишмерлер Бакыт ажы Кайкиев жана Жолдошбек ажы Абдылдаев сөз сүйлөшөт. 8:10да муфтий намаздын тартиби боюнча түшүндүрмө берет, ал эми 8:30да майрамдык намаз жана дуа окуу башталат.
Мамлекеттин башка аймактарында майрамдык намаз борбордук мечиттерде өтөт. Бул жерде программа 7:30да Куранды окуу жана диний насихаттар менен башталат, ал эми айт-намаз 8:30га пландаштырылган. Жогорку тоолуу аймактарда жергиликтүү шарттарга жараша расписанияда кичине өзгөрүүлөр болушу мүмкүн.
Уюштуруучулар катышуучуларды транспорттун майрамдык расписаниясын эске алып, маршруттарын алдын ала ойлонуп алууга чакырышат.
