Бишкекте, 20-мартта, Орозо айтка арналган майрамдык айт намазы өтөт. Өтүүчү жери — Т. Усубалиев атындагы Эски аянт, деп билдирет ДУМКнын маалыматында.
Ачык аянтта намаз өткөрүү чечими шаардыктардын өтүнүчү боюнча жана президенттин макулдугу менен кабыл алынган.
Бишкектеги айт намазынын иш-чараларынын расписаниеси:
07:00 – 07:30 – намаз окулушу;
07:30 – 07:40 – модератор Шукур ажы Исмаиловдун сөзү;
07:40 – 08:10 – Жолдошбек ажы Абдылдаев жана Бакыт ажы Кайкиевдин диний насааттары;
08:10 – 08:30 – Азирети Муфтиянын Айт-намазды өткөрүү тартиби жана эрежелери боюнча сөзү;
08:20 – 08:30 – катарларды түзүү;
08:30 – 08:50 – майрамдык намаз жана дуа.
Башка аймактарда Айт-намаз мечиттерде өтөөрү белгиленет.
Мурда муфтият майрамдык Орозо айт намазы тек гана мечиттерде өткөрүлөрүн маалымдаган.
