Эртең, 20-мартта, Бишкекте Орозо айт майрамына карата эки автобус маршруту боюнча акысыз жүрүү мүмкүнчүлүгү берилет. Бул тууралуу Кыргызстан мусулмандарынын Дин башкармалыгы маалымдады.
Маалыматка ылайык, муфтияттын демилгеси боюнча, №38 жана №203 маршруттарында 50гө жакын автобус 05:00дөн 12:00гө чейин акысыз иштейт. Бул иш-чара борбордун тургундары жана коноктору айт намазына жыйналган учурда майрамдык атмосфераны түзүүгө, ошондой эле бул ыйык майрамдын руханий баалуулуктарын баса белгилөөгө багытталган.
Айт намазы Бишкекте 20-мартта Турдакун Усубалиев атындагы Эски аянтта өтөт. Иш-чаранын программасы төмөнкүлөрдү камтыйт:
- 07:00 – 07:30 — Куран окулушу;
- 07:30 – 07:40 — модератор Шукур Исмаилов;
- 07:40 – 08:10 — диний ишмерлердин чыгышы (Жолдошбек Абдылдаев, Бакыт Кайкиев);
- 08:10 – 08:30 — муфтияттын намазды өткөрүү тартиби жана эрежелери боюнча кайрылуусу;
- 08:20 – 08:30 — катарларды түзүү;
- 08:30 – 08:50 — айт намазы жана майрамдык намаз өткөрүлөт.
Аймактарда айт намазы мечиттерде өткөрүлөт, жана жалпы программа төмөнкүлөрдү камтыйт:
- 07:30 – 08:00 — Куран окулушу;
- 08:00 – 08:25 — диний чыгыштар;
- 08:25 – 08:30 — намазды өткөрүү тартиби боюнча түшүндүрмө;
- 08:30 — айт намазы.
Тоолуу аймактарда намаздын өткөрүү убактысы өзгөрүшү мүмкүн экенин белгилеп өтүү керек.
