Бул өлкөлөрдүн арасында Египет, Оман, Словения жана Бенилюкс мамлекеттери бар. Бардык документтер үч окууда каралып, кабыл алынды.
Сырткы иштер министринин орун басары Алмаз Имангазиев мыйзам долбоорлорун сунуштады. Ал бул келишимдер дипломатиялык байланыштарды бекемдөөгө жана мамлекеттер ортосунда расмий сапарларды жеңилдетүүгө көмөктөшөрүн белгиледи.
Жаңы келишимдерге ылайык, Кыргызстан менен бул өлкөлөрдүн дипломатиялык, кызматтык жана атайын паспортторунун ээлери визасыз чек араны эркин кесип өтө алышат. Ошол эле учурда, алардын өлкөдө болушу 180 күндүн ичинде 90 күндөн ашпашы керек.
