Өзүнүн кезектеги жыйынында Эл аралык иштер, коргоо, коопсуздук жана миграция боюнча комитет бир катар мыйзам долбоорлорун карап, дипломатиялык жана кызматтык паспорт ээлери үчүн визаларды өз ара жокко чыгаруу боюнча макулдашууларды ратификациялоого макулдук берди. Макулдашууга жетишилген өлкөлөрдүн тизмесине Египет, Оман, Словения жана Бенилюкс мамлекеттери кирди.
Каралуучу мыйзам долбоорлору үч окууда талкууланып, төмөнкүлөрдү камтыды:
- «Кыргыз Республикасы менен Бенилюкс мамлекеттери ортосундагы жарактуу дипломатиялык жана кызматтык/расмий паспорт ээлеринин визалык милдеттенмелерден бошотуу боюнча макулдашуу, 2025-жылдын 18-июнунда Брюссельде кол коюлган»;
- «Кыргыз Республикасынын министрлер кабинетинин жана Словения Республикасынын өкмөтүнүн ортосундагы дипломатиялык паспорт ээлерин кыска мөөнөттүү визалык талаптардан өз ара бошотуу боюнча макулдашуу, 2025-жылдын 16-октябрында Любляна шаарында кол коюлган»;
- «Кыргыз Республикасынын министрлер кабинетинин жана Оман Султандыгынын өкмөтүнүн ортосундагы дипломатиялык, кызматтык жана атайын паспорт ээлери үчүн визалык талаптардан өз ара бошотуу боюнча макулдашуу, 2025-жылдын 25-сентябрында Нью-Йоркто кол коюлган»;
- «Кыргыз Республикасынын министрлер кабинетинин жана Египет Араб Республикасының өкмөтүнүн ортосундагы дипломатиялык, кызматтык жана атайын паспорт ээлери үчүн визалык талаптарды өз ара жокко чыгаруу боюнча макулдашуу, 2025-жылдын 4-ноябрында Каирде кол коюлган».
Көрсөтүлгөн мыйзам долбоорлорун тышкы иштер министринин орун басары Алмаз Имангазиев сунуштады.
