291-километрдеги кыймыл реверсивдик тартипте уюштурулган
Бишкек–Нарын–Торугарт автожолунда, Кара-Ункур капчыгайында, кар көчкү түштү. Бул маалымат Транспорт жана байланыш министрлигинин басма сөз кызматы тарабынан берилди.
Учурда жолдун бул бөлүгү бир тилкеде өтүүгө ачык, унаалар кезек-кезеги менен өткөрүлүүдө.
Түшкөн кардын так көлөмү азырынча аныкталууда. Окуя болгон жерде №41 жол эксплуатациялоо ишканасынын адистери жолду тазалоо менен алектенишүүдө.
Транспорт министрлиги айдоочуларды аба ырайына көңүл бурууга, аралыкты сактоого жана белгиленген ылдамдык режимине ылайык жүрүүгө чакырат, өзгөчө тоолуу аймактарда.
Сүрөт www
