Бүгүн, 12-февралда, саат 11:50дө Бишкек—Ош авто жолунун 246-келометри боюнча кар көчкү түшүп, кыймылга чектөөлөр киргизилди.
Жалал-Абад облусунун Өзгөчө кырдаалдар башкармалыгы тарабынан берилген маалыматка ылайык, окуя Токтогул районунун Чычкан капчыгайында орун алган. Окуянын натыйжасында жабыркагандар катталган жок.
Окуя болгон жерде №23 жол кызматынан грейдер иштеп жатат, ал жолду тазалоо менен алектенүүдө.
Жүргүнчүлөрдүн жана айдоочулардын коопсуздугун камсыздоо үчүн Бишкек—Ош трассасынын 271-келометри боюнча жылуу болуу пункту уюштурулган. Өзгөчө кырдаалдар министрлиги жардам сурагандарга ысык чай жана жылуу жамындар сунуштоодо, — деп айтылат расмий билдирүүдө.
Мурда Кыргызгидромет кар көчкү болушу мүмкүн экендиги тууралуу 11-февралдан 13-февралга чейин тоолуу жолдордо эскертүү берген.
