Ал "мас абалда унаа айдоо — бул кылмыш, жана сөз менен гана эмес, мыйзам долбоорлору аркылуу иш-аракет кылуу убактысы келди. Акча айыппулдарын киргизүү маанилүү, ал эми кайталанган мыйзам бузгандар үчүн алардын өлчөмүн көбөйтүү керек. Ошондой эле, шайлоочулардын пикири боюнча, мыйзам бузгандарды коомдук иштерге тартуу керек", — деп белгиледи Ибрагимов.
Ички иштер министринин орун басары Октябрь Урмамбетов учурда бул маселелер талкууланууда экенин билдирди.
Мындан тышкары, депутат инспекторлордун айыппулдарды жазгандыгы үчүн бонус өлчөмүн жогорулатууга көңүл бурду.
Ибрагимов: "Айыппулдун суммасын инспектордун айлына бонус катары 10% берүү жетишсиз. Бул пайызды көбөйтүү керек. Анда Бишкекте жана өлкөнүн бардык жерлеринде мас айдоочулардын саны кыйла азаят" — деди.
Урмамбетов депутаттын сунушу менен макул болду.
Ал: "Ооба, азыр биз 10% бөлүп жатабыз, бирок бул чектөө эмес. Биз парламентте каралышы үчүн тиешелүү сунуштарды даярдайбыз", — деп жыйынтыктады ички иштер министринин орун басары.
