Бул маалыматты облустук жол кыймылынын коопсуздугун камсыздоо башкармалыгы берди.
Ведомствонун маалыматына ылайык, жол кыймылын көзөмөлдөгөн инспекторлор күчөтүлгөн режимде иш алып барууда.
«Рейддин натыйжасында бир күндүн ичинде 414 жол кыймылынын эрежесин бузуу фактысы катталды. Алардын ичинен 13 айдоочу унааны мас абалда башкарган, 38 бузучу каршы тилкеге чыгып кеткен, 9 адам зарыл документтери жок транспортту башкарган. Натижеде 29 унаа айып токтотуучу жайга коюлду», - деп айтылат билдирүүдө.
- Рейд 1-январда башталып, 15-январга чейин уланат. Иш-чаранын негизги максаты — жолдордо коопсуздукту камсыздоо, жол кырсыктарын алдын алуу жана айдоочулардын жол кыймылынын эрежелерин сактоосун көзөмөлдөөнү жогорулатуу.
