Талас облусунда 11 күндүн ичинде 19 мас айдоочу кармалды

Талас облусунун аймагында «Рулда» аттуу рейддик иш-чаралар улантылууда.

Региондун Ички иштер министрлигинин Жол кыймылынын коопсуздугу боюнча башкармалыгынан билдиришкендей, рейд учурунда алкоголдук мас абалында транспорт каражаттарын башкарган айдоочулар аныкталууда, алардын үстүнөн тиешелүү протоколдор түзүлүүдө. Ошондой эле мыйзамды бузган айдоочулардын унаалары айыппул токтотуучу жайга коюлууда.

«2026-жылдын жаңы жылынан бери 11 күндүн ичинде 799 протокол түзүлдү. Алкогольдук мас абалында транспорт каражатын башкарган 19 айдоочу кармалды».