Бул комитет 2024-жылы кол коюлган климат боюнча кызматташуу келишими алкагында түзүлгөн. Министрлер Кабинетинин климаттык финансылык борбору аталган органдын катчылыгы болуп дайындалды. Бардык тиешелүү министрликтер жана мекемелер комитеттин ишине зарыл колдоо көрсөтүүгө милдеттүү.
Климат боюнча Биргелешкен комитеттеги кыргыз делегациясынын курамы
- Кыргыз Республикасынын табигый ресурстар, экология жана техникалык көзөмөл министринин орун басары, экология жана климат боюнча мамлекеттик саясатка жооптуу (кыргыз тараптан тең төрага);
- Кыргыз Республикасынын каржы министринин орун басары, мамлекеттик инвестициялар алкагында тышкы финансылык жана техникалык жардам маселелери менен алектенет;
- Кыргыз Республикасынын экономика жана соода министринин орун басары, жашыл экономика боюнча мамлекеттик саясатты көзөмөлдөйт;
- Кыргыз Республикасынын тышкы иштер министринин орун басары;
- Кыргыз Республикасынын Корея Республикасындагы өзгөчө жана ыйгарым укуктуу элчиси;
- Кыргыз Республикасынын Министрлер Кабинетинин климаттык финансылык борборунун директору.
