2026-жылдын 11-январында Ысык-Ата районунун Ички иштер бөлүмүнө 1999-жылы туулган жаран Ц.К. тарабынан «У.П.» ломбардында эксперт-баалоочу-кассир болуп иштеген жаранка С.М.га чара көрүү өтүнүчү менен арыз келип түштү. Ал материалдык жоопкерчиликтүү адам катары жогорку баада жасалма насыяларды түзүп, алынган акчаларды менчиктөө менен алектенген.
Алдын ала маалыматтар боюнча, 2024-жылдын ноябрынан 2025-жылдын 31-декабрына чейин жаранка С.М. болжол менен 4 000 000 сом. менчиктеди.
Бул фактылар боюнча Кыргыз Республикасынын Кылмыш кодексинин 210-беренеси (Менчиктөө жана ысыраптоо) боюнча кылмыш иши козголду.
Кыргыз Республикасынын Кылмыш процессуалдык кодексинин 96-беренесине ылайык, 1986-жылы туулган жаранка С.М. кылмыш жасоого шектелип кармалды жана убактылуу кармоо жайына жайгаштырылды.
Учурда кылмыш ишин тергөө уланууда.
