Маалыматтар боюнча, 5-январда Чүй облусунун Ички иштер башкармалыгына «Ингосстрах» жабык акционердик коомунун өкүлү Ы.Н. ИП «Д.А.Р.» кызматкерлерине каршы чара көрүүнү өтүнүп кайрылган.
Берилген маалыматтарга ылайык, 2025-жылдын апрелинен декабрына чейин ИП «Д.А.Р.» кызматкерлери ОСАГО полистерин сатуу менен 7 млн 85 миң 708 сомду менчиктештирип, аны коротуп, кылмыш болгон жерден качып кетишкен, - деп айтылат билдирүүдө.
Бул фактылар негизинде Кыргыз Республикасынын Кылмыш кодексинин 210-беренеси (Берилген мүлктү менчиктештирүү жана коротуу) боюнча кылмыш иши козголду.
Шектүү А.А. 1985-жылы туулган, чет өлкөнүн жараны, Кыргыз Республикасынын Кылмыш процессуалдык кодексинин 96-беренесине ылайык кармалып, убактылуу кармоо жайына жайгаштырылды.
Учурда тергөө иштери улантылып, иштин бардык жагдайларын аныктоо жана кылмышка мүмкүн болгон шериктерди табуу аракеттери жүргүзүлүүдө.
Маалымат
Юстиция министрлигинин маалыматы боюнча, «Ингосстрах» жабык акционердик коом 1996-жылдын 6-декабрында катталган жана 2018-жылдын 28-апрелинде кайра каттоодон өткөн. Компаниянын башкы директору Ким Лариса Евгеньевна.
