Инициалдары Ы.М. болгон адам 2023-жылдан бери издөөдө, ал чоң өлчөмдөгү алдамчылык үчүн Кыргыз Республикасынын Кылмыш-жаза кодексинин 209-беренеси боюнча "кызыл билдирүү" берилген.
Ички иштер министрлигинин маалыматы боюнча, Ы.М. жаран А.Ч. менен бирге, мунай продуктыларын сатуу менен алектенген компаниянын жетекчилик кызматын ээлеген, отунду уурдоого катышкан. Алардын аракетинин натыйжасында 1536,51 тонна отун уурдалып, 51 780 387 сом өлчөмүндө зыян келтирилген.
Кыргыз Республикасында компетенттүү органдар кармалган адамды кылмыш жоопкерчилигине тартуу үчүн экстрадициялоо маселеси менен иш алып барууда.
Бүгүнкү күндө HSI (ICE) убактылуу кармоо борборлорунда 8 жаран бар, алар Кыргыз Республикасынын Ички иштер министрлиги тарабынан ар кандай укук бузуулар үчүн издөөдө жана депортациялоо процедурасынан өтүп жатышат. Алардын ичинен 3 адам Кыргызстандын аймагына депортацияланды, деп билдиришти Ички иштер министрлигинен.
Кыргыз Республикасынын Ички иштер министрлиги транснационалдык кылмыштуулукка каршы күрөшүүдө эл аралык укук коргоо органдары менен активдүү кызматташууда, бул алардын өз ара аракеттенүүсүн кеңейтүүгө жардам берет.
