Иш-чарада тигүү өндүрүшүнүн, логистика компанияларынын, маркетплейстердин өкүлдөрү, ошондой эле мамлекеттик жана жеке банктар менен тиешелүү мамлекеттик органдардын жетекчилери катышты.
Талкуу процессинде катышуучулар тармактын алдында турган актуалдуу көйгөйлөрдү көтөрүп, алардын чечимдерин сунушташты.
Президент жеңил өнөр жайы мамлекеттик саясатта маанилүү орун ээлээрин белгиледи.
Жолугушуунун жыйынтыгы боюнча Садыр Жапаров Министрлер Кабинетинин төрагасы Адылбек Касымалиевге жана башка тиешелүү министрлерге аныкталган көйгөйлөрдү жоюу жана сектордун мындан аркы өнүгүшүнө көмөктөшүү боюнча чараларды көрүүнү тапшырды.
