Кыргызстандын президенти Садыр Жапаров 21-январда жеңил өнөр жайынын өкүлдөрү менен жолугушуу өткөрдү. Мамлекет башчысынын маалымат кызматынын колдоосу менен уюштурулган иш-чарада тигүү тармагынан, маркетплейстерден, логистика компанияларынан, ошондой эле мамлекеттик жана коммерциялык банктар менен профилдик мамлекеттик органдардын өкүлдөрү катышты.
Жолугушуунун учурунда тармактын алдында турган актуалдуу маселелер талкууланып, алардын чечүү жолдору сунушталды.
Садыр Жапаров жеңил өнөр жайын мамлекеттик саясаттын приоритеттүү багыттарынын бири катары маанилүү экенин белгиледи.
Талкуунун жыйынтыгы боюнча президент учурдагы маселелерди жоюу жана сектордун андан ары өнүгүүсүнө көмөктөшүү максатында өкмөт башчысы Адылбек Касымалиевге жана башка жооптуу министрлерге конкреттүү тапшырмаларды берди.
