Талкуунун негизги темаларына финансылык жеткиликтүүлүк, логистикадагы кыйынчылыктар, экспорт үчүн шарттар жана технологиялык жаңылануунун зарылдыгы кирди. Жыйындын катышуучулары сектордун өнүгүшүн тездетүү жана бар болгон тоскоолдуктарды жеңүү үчүн өз идеяларын сунушташты.
Президент жеңил өнөр жайын экономиканын стратегиялык сектору катары, жумуш орундарын түзүп, экспорттук кирешелерди алып келүүчү маанилүү тармак катары баса белгиледи. Ал жооптуу ведомстволордун оперативдүү жана максаттуу чараларды кабыл алуусун талап кылды.
Талкуунун жыйынтыгында Садыр Жапаров өкмөт башчысы Адылбек Касымалиевге, ошондой эле тиешелүү министрлерге жана мамлекеттик органдын жетекчилерине жыйналган көйгөйлөрдү жоюу жана жеңил өнөр жайын системалуу өнүктүрүү боюнча конкреттүү тапшырмаларды берди.
Президент бул багытта жүргүзүлүп жаткан иштерди жеке көзөмөлдөйт.
