Текшерүүнүн жүрүшүндө Бишкек ш., Табалдиев көч., 29 дарегинде жайгашкан 4 кабаттуу медициналык борбордун курулушу текшерилди.
Текшерүүнүн натыйжасында бир нече мыйзам бузуулар аныкталды. Атап айтканда, долбоорлоо жана курулуш учурунда техникалык регламенттердин талаптары сакталган эмес, ошондой эле айрым нормативдик-укуктук актылар бузулган.
Аныкталган мыйзам бузуулар боюнча ОсОО «Палладий Групп» подряддык уюмуна 200 миң сом өлчөмүндө айып пул салынды жана кемчиликтерди жоюу боюнча көрсөтмө берилди», - деп билдиришти министрликтен.
Курулуш министрлиги курулуш тармагында иш алып барган бардык уюмдарды жана жеке ишкерлерди Кыргыз Республикасынын мыйзамдарына ылайык белгиленген талаптарды жана нормаларды так сактоого чакырат.
Маалымат:
Кыргыз Республикасынын Юстиция министрлигинин маалыматына ылайык, компания 2019-жылы Кыргызстанда катталган. Түзүүчү жана жетекчиси - Джумагазиев Чынгыз Джумагазиевич.
