Атап айтканда, "Аалам Строй" ЖЧКсына таандык Анкара көчөсүндөгү 3а дарегиндеги турак жай комплексинде курулуш нормаларына жана коопсуздук эрежелерине ылайык келбегендиктер табылды. Комплексинин ондон ашык блокторунда мыйзам бузуулар катталган.
Мындан тышкары, компания курулуштун ар кандай этаптарында сапатты контролдоо үчүн жеке лабораториялардын кызматтарын колдонгондугу аныкталды. Ошондой эле, айрым блоктор мыйзамсыз түрдө үлүш ээлерине пайдаланууга берилген.
Текшерүүнүн жыйынтыгы боюнча протоколдор түзүлүп, компанияга ар бир мыйзам бузуунун үчүн айыппулдар салынды, жалпы суммасы 3 миллион сомду түздү.
Министерство объектидеги курулуш иштерин токтотуу чечимин кабыл алды, ал эми компаниянын лицензиясы боюнча маселе тиешелүү комиссиянын жыйынында каралат.
Ошондой эле министр курулуштун сапатын көзөмөлдөө үчүн Республика боюнча сертификаттоо борборун тартуу менен көз карандысыз текшерүү өткөрүүнү тапшырды. Бул текшерүүнүн жыйынтыктарына ылайык кошумча чаралар көрүлөт.
Инспекциянын жыйынтыгы боюнча Нурдан Орунтаев жооптуу кызматкерлерге катуу чаралар колдонуларын белгиледи.
