Текшерүүнүн жүрүшүндө, министрликтен билдиришкендей, Анкара көчөсүндө жайгашкан жана ОсОО «Аалам Строй» компаниясына таандык турак комплексте курулуш мыйзамдарын жана техникалык коопсуздук стандарттарын бузуу боюнча көптөгөн мыйзам бузуулар аныкталган. Мыйзам бузуулардын фактылары аталган объекттин ондон ашык блокторунда катталган. Ошондой эле, компания курулуштун айрым этаптарын текшерүү үчүн жеке лабораторияларды тарткандыгы аныкталды. Мындан тышкары, айрым блоктордун үлүш ээлерине мыйзамсыз өткөрүлүшү боюнча учурлар табылган.
Текшерүүнүн жыйынтыгы боюнча, ОсОО «Аалам Строй» компаниясына бир нече айыппул салынды жана ар бир блок боюнча протоколдор түзүлдү. Объекттеги иштер токтотулду жана компаниянын лицензиясын токтотуу маселеси комиссиянын кароосуна чыгарылат. Орунтаев ошондой эле курулуштун сапатын текшерүү үчүн Республикалык сертификаттоо борборунун лабораториясынын катышуусунда текшерүү өткөрүүнү тапшырды, жана лабораториялык изилдөөлөрдүн жыйынтыктарынын негизинде кошумча чаралар көрүлөт.
Текшерүүнүн жыйынтыгы менен министр Нурдан Орунтаев министрликке караштуу мекемелердин кызматкерлерине катуу жоопкерчилик чаралары колдонуларын белгиледи.
