Бишкек шаарында курулуш компаниясы 200 миң сом өлчөмүндө айыппулга тартылды. Бул тууралуу маалыматты Кыргыз Республикасынын Курулуш, архитектура жана турак-жай-коммуналдык чарба министрлиги жарыялады.
18-январда курулуш министр Нурдан Орунтаев жана Мамлекеттик архитектуралык-курулуш контролдоо департаментинин инспекторлору катышкан рейд өткөрүлүп, борбордогу бир нече курулуш объектилери текшерилди. Министр өлкөдөгү бардык курулуш аянтчаларында ушундай текшерүүлөрдү уюштурууну тапшырды.
Текшерүү учурунда Бишкек шаары, Табалдиев көчөсү, 29 дарегиндеги 4 кабаттуу медициналык борбордун курулушу каралды. Инспекция учурунда техникалык регламенттердин жана бир катар нормативдик-укуктук актыларды бузуу фактылары катталды.
Аныкталган мыйзам бузуулар натыйжасында «Палладий Групп» ЖЧКсы 200 000 сом айыппулга тартылып, кемчиликтерди жоюу үчүн жазуу түрүндөгү буйрук алды.
Министрлик курулуш тармагында иш алып барган бардык компанияларды жана жеке ишкерлерди Кыргыз Республикасынын мыйзамдарынын нормаларына жана талаптарына так сакталышына чакырды. Жарандардын коопсуздугун камсыздоо үчүн техникалык регламенттерди жана стандарттарды сактоонун маанилүүлүгүнө басым жасалды.
