Аудит 4 млн 416,4 миң сомдук жалпы суммадагы финансылык бузууларды аныктады, анын ичинен 1 млн 234,4 миң сом кайтарууга жатады. Текшерүү процессинде бюджетке 462,2 миң сом кайтарылды. Бузуулар негизинен мыйзамсыз эмгек акы төлөө (2 млн 706,3 миң сом) жана ашыкча командировкалык чыгымдар (1 млн 224,2 миң сом) менен байланыштуу. Мындан тышкары, 485,7 миң сомдук чыгымдар зарыл документтер менен тастыкталган эмес.
Ошондой эле 25 млн 331,5 миң сомдук процедуралык бузулулар аныкталды. Бул эмгек акыны эсептөө, бухгалтердик эсеп жүргүзүү жана мамлекеттик сатып алууларды өткөрүү боюнча мыйзам талаптарын бузууну камтыйт. Эсепке алынбаган активдер, дебитордук жана кредитордук карыздардын жетишсиз чагылдырылышы, ошондой эле коммуналдык чыгымдар боюнча лимиттердин ашырылышы боюнча фактылар табылды.
Аудиттин жыйынтыктары Счеттук палатасынын кеңешинин жыйынында талкууланды, анда финансылык тартипти жакшыртуу, аныкталган бузулуларды жоюу жана бюджеттик каражаттарды натыйжалуу пайдалануу боюнча сунуштар берилди.
