25-февралдан 1-мартка чейин Албаниянын борбору Тиранада Muhamet Malo-2026 спорттук күрөш боюнча экинчи рейтингдик турнири өттү. Турнирге Кыргызстандан 28 спортчу катышып, үч дисциплинада: эркин, аялдар жана грек-рим күрөшүндө атаандашышты, бул тууралуу КРнын Физикалык маданият жана спорт мамлекеттик агенттигинин маалымат кызматы билдирди.
Соревнованиянын жыйынтыгында кыргызстандык күрөшчүлөр 9 медаль утушту.
Эркин күрөш:
70 кг салмак категориясында алтын медалды Эрназар Акматалиев жеңди;
74 кг салмак категориясында күмүш медалды Орозобек Токтомамбетов утту;
Бронз медаль Залкарбек Табалдиевге берилди.
Бардык төрт кыргызстандык спортчу аялдар күрөшүндө сыйлык орундарды ээлешти:
76 кг салмак категориясында алтын медалды Айпери Медет кызы утту;
72 кг жана 68 кг салмак категорияларында күмүш медалдарды Нурзат Нуртаева жана Мээрим Жуманазарова алышты;
65 кг салмак категориясында бронз медаль Гулнур Таштанбековага берилди.
Грек-рим күрөшү:
Раззак Бейшекеев 72 кг салмак категориясында бронз медаль ээси болду;
Ошондой эле 97 кг салмакта бронз медаль Узур Жусупбеков утту.
