Кыргызстандын Төтөнчө кырдаалдар министри Канатбек Чыныбаев Америка Кошмо Штаттарынын элчиси Лесли Вигери менен жолугушуу өткөрдү, бул тууралуу Төтөнчө кырдаалдар министрлигинин маалымат кызматынан билдиришти.
Кеңешүүлөрдүн учурунда эки тараптуу кызматташтыктын учурдагы абалы жана келечектеги мүмкүнчүлүктөрүнө басым жасалды, ал конструктивдүү катары мүнөздөлдү. Төтөнчө кырдаалдарды алдын алуу жана жоюу боюнча кызматташтык маселелерине, тажрыйба алмашуу жана адистердин кесиптик көндүмдөрүн өнүктүрүүгө көңүл бурулду.
Мындан тышкары, биргелешкен иш-чараларды өткөрүү, заманбап технологияларды киргизүү жана Төтөнчө кырдаалдарга жооп берүү үчүн даярдыкты жогорулатуу пландары талкууланды.
