Бишкекте саламаттык сактоо министри Каныбек Досмамбетов менен Кыргыз Республикасындагы АКШнын Чрезвычайный жана Ыйгарым укуктуу элчиси Лесли Вигери ортосунда жолугушуу болду.
Саламаттык сактоо министрлигинин басма сөз кызматы жолугушууда саламаттык сактоо тармагындагы кызматташуу, коомдук саламаттык, оорулардын алдын алуу, медициналык кадрларды даярдоо жана медицинада заманбап технологияларды киргизүү боюнча тажрыйба алмашуу маселелери талкууланганын билдирди.
Талкуунун негизги учурларынын бири Бишкекте медициналык шаарча куруу планынын иштелип чыгышы жөнүндө сөз болду. Бул долбоордун алкагында заманбап медициналык жана лабораториялык жабдууларды, анын ичинде америкалык белгилүү өндүрүүчүлөрдөн сатып алуу каралган. Ошондой эле кыргызстандык дарыгерлердин АКШда стажировкадан өтүү жана квалификациясын жогорулатуу боюнча кызыгуу билдирилди.
Меморандумга ылайык, Америка Кошмо Штаттары үч негизги багытка көңүл бурууну пландаштырууда:
- ВИЧ менен жашаган адамдар үчүн медициналык кызматтарга жана дары-дармектерге жеткиликтүүлүктү камсыз кылуу;
- туберкулез менен күрөшүү боюнча улуттук программаны колдоо;
- санитардык-эпидемиологиялык коопсуздукту бекемдөө.
Тараптар саламаттык сактоо, эпидемиологиялык коопсуздук, инфраструктураны модернизациялоо жана медициналык кадрларды даярдоо боюнча биргелешкен иштерди улантууга даяр экенин билдиришти.
