Жолугушуунун жүрүшүндө эрте кабар берүү системасын жакшыртуу жана бул тармактагы кызматташтыктын келечектери талкууланды.
6-мартта Өзгөчө кырдаалдар министри Урматбек Шамыркановдун Кореянын Өзгөчө жана Толук ыйгарым укуктуу элчиси Ким Кванджэ менен жолугушуусу болду, деп билдиришти МЧСтин маалымат кызматы.
Министр эки тараптуу мамилелердин өнүгүшүнө ыраазычылык билдирип, Корея өкмөтүнүн министрликке көрсөткөн узак мөөнөттүү колдоосун белгиледи.
Тараптар табигый кырсыктарды азайтуу жана эрте кабар берүү системасын жакшыртуу боюнча кызматташтыкты камтыган бир нече маанилүү маселелерди талкуулашты.
Ошондой эле калкты коргоо, куткаруучулардын квалификациясын жогорулатуу жана өзгөчө кырдаалдарга жооп берүү боюнча өз ара аракеттенүүгө көңүл бурулду.
Мындан тышкары, жолугушууга катышуучулар өзгөчө кырдаалдарды алдын алуу жана жоюу боюнча жаңы биргелешкен демилгелерди жана долбоорлорду ишке ашыруу мүмкүнчүлүктөрүн карашты.
Элчи Ким Кванджэ конструктивдүү кызматташтыкты улантууга даярдыгын билдирди. Жолугушуунун жыйынтыгында тараптар өз ара пайдалуу өнөктөштүктү күчөтүү боюнча кийинки кадамдарды макулдашышты.
