Чүй облусунун Москва районунда жетим балдардын жер тилкелерин алуу укуктары калыбына келтирилди. Бул тууралуу Кыргыз Республикасынын Башкы прокуратурасы маалымдады.
Жетим балдардын укуктарын коргоо максатында жүргүзүлгөн текшерүү учурунда, Торт-Гул айылдык аймагындагы Петровка айылында жашаган үч жетимдин укуктары бузулгандыгы аныкталды. "Жер тилкелери мыйзамда көрсөтүлгөндөй, кезек боюнча берилген эмес", - деп белгиленет прокуратуранын билдирүүсүндө.
Прокуратура тарабынан кабыл алынган чаралардын натыйжасында, бул балдардын ар бирине жеке турак жай куруу үчүн 11 сотых жер тилкеси бөлүнүп берилди, ошондой эле алардын менчигин тастыктаган мамлекеттик актылар тапшырылды.
