Саламаттык сактоо министрлигинин маалымат кызматына ылайык, дары-дармек, медициналык буюмдар жана жабдууларды сатып алуу жана жеткирүү улантылууда, бул БУУнун Өнүктүрүү программасынын колдоосу менен ишке ашырылууда. Учурда медициналык мекемелерди товарлар менен убагында камсыздоо үчүн зарыл болгон уюштуруу жана сатып алуу процедуралары жүргүзүлүүдө.
Мындан тышкары, логистика маселелери жана медициналык продукциянын жеткирүү этаптары кызматташтык программаларынын алкагында талкууланды.
Зарыл болгон документтерди даярдоо үчүн улуттук эксперттердин катышуусунда жумушчу топ түзүлдү, анткени арыздарды берүү үчүн биринчи терезе июнь айынын башында ачылат. БУУнун Өнүктүрүү программасы бир катар программалардын аткаруучу агенттиги катары, арыздарды даярдоодо жана гранттык иш-чараларды ишке ашырууда эксперттик жана техникалык жардам көрсөтүүнү улантат.
Жыйналыштын жыйынтыгында тараптар коомдук саламаттык сактоо системасын бекемдөөгө, туберкулез жана ВИЧ менен күрөшүүгө, ошондой эле дары-дармек менен камсыздоо системасын чыңдоого багытталган келечектеги кызматташтыкка даярдыктарын билдиришти.
