Лебединовка - ГЭС-5 автожолунун аймагында, Бишкектин Түндүк айланма жолун байланыштырган, көпүрөнүн кеңейүү процесси уланууда. Бул тууралуу Кыргыз Республикасынын Транспорт жана байланыш министрлигинин билдирүүсүндө айтылган.
Министрликтин маалыматына ылайык, учурда көпүрөнүн эки тарабындагы эски металл тосмолор жана асфальт толугу менен демонтаждалган. Жаңы темир-бетон балкалар орнотулуп, азыр анын кеңейүү боюнча иштер жүрүп жатат.
Мындан тышкары, Жибек-Жолу көчөсүнө чейинки жолдун бөлүгүндө (0-360 м) жер казуу иштерин улантууда, ошондой эле электр байланыш жана электр өткөрүү линияларын которуу иштери жүргүзүлүүдө.
Көпүрөдөгү курулуш иштерине байланыштуу Лебединовка - ГЭС-5 трассасынын (0-360 м) бөлүгү 15-февралдан 20-апрелге чейин унаалар үчүн убактылуу жабык экенин белгилөө маанилүү.
«Лебединовка - ГЭС-5 автожолунун узундугу 5,1 км. Реконструкция процессинде жолдун категориясын өзгөртүү жана аны 2 жолдон 4 жолго кеңейтүү пландалууда. Ошондой эле долбоорго көчө жарыгын орнотуу жана чоң көпүрөнүн эки тарабында тротуарларды куруу, ошондой эле жөө адамдар үчүн өзүнчө көпүрө куруу кирет», - деп кошумчалашты министрликтен.
