Учурда эски металл тосмолор жана көпүрөнүн эки тарабындагы асфальт жабындары толугу менен алынып салынды. Алардын ордуна жаңы темир-бетон балкалар орнотулуп, конструкцияны кеңейтүү боюнча иштер жүргүзүлүүдө.
Мындан тышкары, Жибек Жолу көчөсүнө чейинки жол участогунда (0дөн 360 метрге чейин) жер казуучу иштер уланууда, ошондой эле байланыш жана электр өткөрүү линиясын өткөрүү иштери жүргүзүлүүдө.
Курулуш иштеринин жүргүзүлүшүнө байланыштуу Лебединовка – ГЭС-5 автожолунун (0-360 метр) участокунда транспорттун кыймылы 15-февралдан 20-апрелге чейин убактылуу токтотулат.
Лебединовка – ГЭС-5 трассасынын жалпы узундугу 5,1 километрди түзөт. Реконструкциянын алкагында жолдун категориясын өзгөртүү, кыймыл полосаларынын санын 2ден 4кө чейин көбөйтүү пландалууда. Ошондой эле долбоорго көчө жарыгын орнотуу, чоң көпүрөнүн эки тарабында тротуарларды куруу жана жөө адамдар үчүн өзүнчө көпүрө куруу кирет.
