Минтранс фото
Министрликтин маалыматына ылайык, учурда подрядчиктер көпүрөнүн эки тарабындагы эски металл тосмолорду демонтаждоо менен алек, ошондой эле эски асфальтты фрезерлөө жана тазалоо иштерин жүргүзүүдө.
Көпүрөдөн Жибек Жолу проспектине чейинки жол участкасында да электр энергиясын жана телекоммуникация линиясын өткөрүү иштерин камтыган жер казуучу иштер уланууда.
Реконструкцияга байланыштуу бул жол участкалары 15-февралдан 20-апрелге чейин кыймыл үчүн жабык, айдоочулар маршруттарды пландаштырууда бул чектөөлөрдү эске алууну суранышат.
Лебединовка – ГЭС-5 трассасынын узундугу 5,1 километрди түзөт. Иштер аяктагандан кийин жол эки жолдон төрт жолго кеңейтилип, ошондой эле көпүрөнүн эки тарабында жарык берүү, жаңы тротуарларды куруу жана өзүнчө жөө адамдар өтүүчү өтмөктү түзүү пландалууда.
Бардык иштердин максаты — жолдун өткөрүү жөндөмдүүлүгүн жакшыртуу жана Бишкектин түндүк бөлүгүндөгү транспорттук жүктөмдү азайтуу.
