Кыргызстанда бир фазалуу туташуу менен абоненттер 5 кВт чейин кубаттуулук керектөө үчүн контрактыларды түзүү мүмкүнчүлүгүнө ээ. Бул тууралуу «Кыргызстандын улуттук электр тармагы» ААКнын коммерциялык маселелер боюнча орун басары Улупбек Дуйшо уулу «Элден Собол» программасынын жүрүшүндө билдирди.
Ал контрактыларда электр энергиясын керектөө жогорулаган пик жүктөм убактысы көрсөтүлгөнүн тактады.
- 1-апрелден октябрга чейин: максималдуу жүктөм 5 саатка созулат.
- 1-октябрдан апрелге чейин: максималдуу жүктөм 6 саатты түзөт.
«“Акылдуу” эсептегичтерди киргизүү менен маалыматтар автоматтык түрдө системага киргизилет. Чектөөлөр кечки 18:00дөн 21:00гө чейин жана таңкы 07:00дөн 09:00гө чейин күчүндө болот. 2025-2026-жылдардагы күз-кыш мезгили ийгиликтүү өтсө, апрель айында кубаттын лимиттерин (киловатт) кайра карап чыгуу мүмкүнчүлүгү тууралуу маалымат беребиз,» - деп кошумчалады Улупбек Дуйшо уулу.
Учурда «Кыргызстандын улуттук электр тармагы» ААКсы өлкө боюнча 1 миллион 653 миң абонентти тейлейт.
