Кыргыз Республикасынын мамлекеттик кызмат жана жергиликтүү өз алдынча башкаруу боюнча мамлекеттик агенттиги мамлекеттик жана муниципалдык кызматтардын алкагында жаш администратордук кызматтар үчүн кадр резервин түзүү боюнча конкурстун башталгандыгын жарыялады.
Ведомстводон алынган маалыматка ылайык, бул конкурстун негизги максаты мамлекеттик жана муниципалдык органдарда иштөө үчүн жогорку билимге жана цифралык көндүмдөргө ээ жаш адистерди тартуу, ошондой эле тандоо процессинде ачыктыкты жана адилеттүүлүктү камсыз кылуу.
Жаңы механизмдин артыкчылыктары
Конкурс «E-Kyzmat» порталында электрондук форматта өткөрүлөт.
Бул системанын артыкчылыктары: талапкерлер үчүн убакытты үнөмдөө, ар бир мекемеге баруунун зарылдыгынын жоктугу, кошумча чыгымдарды кыскартуу жана тандоо процессинин бирдиктүү жана ачык тартибин түзүү.
Рейтинг системасы катышуучулардын жыйнаган баллдарына карап баалоо жүргүзүүгө мүмкүндүк берет, бул эң мыкты натыйжаларды көрсөткөндөргө артыкчылык берет. Мындай мамиле непотизмди жоюуга жана меритократия принциптерин колдоого жардам берет.
Конкурстун этаптары:
- Документтерди кабыл алуу
- Нормативдик укуктук актылар боюнча компьютердик тестирлөө
- Офлайн же онлайн форматында интервью
Бардык этаптарды ийгиликтүү өткөн талапкерлер үч жылдык мөөнөткө кадр резервине киргизилет.
Мамлекеттик жарандык кызматка талапкерлерге коюлган талаптар:
- Кыргыз Республикасынын жарандыгы;
- 21 жаштан жогору;
- Жогорку билимдин болушу;
- Кыргыз тилин билүү деңгээли — орто;
- Цифралык көндүмдөрдүн болушу.
Муниципалдык кызмат үчүн талаптар:
- 18 жаштан жогору;
- Жогорку же орто кесиптик билимдин болушу;
- Кыргыз тилин билүү деңгээли — орто;
- Цифралык көндүмдөрдүн болушу.
Документтерди кабыл алуу 2-марттан 6-мартка чейин (включительно) өтөт.
Кененирээк маалыматты www.gov.kg сайтынан «Вакансии» бөлүмүнөн жана «E-Kyzmat» порталынан табууга болот.
Байланыш телефондору: 0 (312) 62 04 12, 0 (312) 66 03 37.
