Жогорку Кенештин жыйынында «Жарандык кодекске жана турак жайларды өрттөн жана табигый кырсыктардан камсыздандыруу жөнүндө мыйзамга өзгөртүүлөрдү киргизүү тууралуу» мыйзам долбоору биринчи окууда талкууланды.
Докладчы катары Экономика жана соода министрлигинин Финансылык рынокту жөнгө салуу жана көзөмөлдөө мамлекеттик кызматынын жетекчиси Марат Пирназаров сөз сүйлөдү.
Ал сунушталган өзгөртүүлөр турак жайларды ар кандай табигый кырсыктардан жана өрттөн камсыздандыруу системасын жакшыртууга багытталганын белгиледи.
Талкуу учурунда депутат Алтынбек Кылычбаев камсыздандыруу окуясы, атап айтканда, өрт учурунда камсыздандыруу төлөмдөрүнүн мөөнөттөрү жана компенсациянын өлчөмү жөнүндө суроо берди.
Докладчынын айтымында, шаардык тургундар үчүн максималдуу камсыздандыруу төлөмү 1 миллион сом, айылдык тургундар үчүн 500 миң сомду түзөт. Төлөмдүн мөөнөтү бир айдан ашпайт.
Депутат Гульнара Акимбаева милдеттүү камсыздандыруу боюнча үчүнчү жак ким болорун тактады.
Токтобубу Ашымбаева тарабынан берилген төлөмдөр боюнча суроого жооп берип жатып, Пирназаров 2024-жылы 37 миллион сомдук 240 камсыздандыруу окуясы катталганын, 2025-жылы 32 миллион сомдук 247 окуя катталганын билдирди. Быйыл 10 миллион сом төлөнгөн 37 окуя катталды.
Талкуунун жыйынтыгы боюнча депутаттар мыйзам долбоорун биринчи окууда жактырышты.
фото www
