Биринчи радиодо түз эфир учурунда «Мамлекеттик камсыздандыруу уюму» ААКнын компенсациялар жана камсыздандыруу төлөмдөрү башкармалыгынын начальниги Азат Осмоналиев 2023-жылы камсыздандыруу төлөмдөрүнүн жалпы суммасы 147 миллион сомду түзгөнүн билдирди.
Ал ошондой эле 2024-жылы 27 миллион сом төлөнгөнүн кошумчалады. «Жарандар табигый кырсыктар же өрттерден кийин турак жайын калыбына келтирүүдө кыйынчылыктарга учурашы мүмкүн. Мындай учурда, эгер кыймылсыз мүлк камсыздандырылган болсо, камсыздандыруу уюму маанилүү төлөмдөрдү жүргүзөт», - деди Осмоналиев.
Анын айтымында, 2025-жылы төлөмдөрдүн жалпы суммасы 147 миллион сомго чейин өсөт деп күтүлүүдө. Турак жайды камсыздандыруунун баасы шаарларда 1200 сом, айыл жергесинде 600 сомду түзөт.
