Кентукки штатындагы "Boone County Jail" абакта Кыргызстан жараны Б.Б. кармалгандыгы тууралуу маалыматты республикабыздын Тышкы иштер министрлиги билдирди.
Чикагодогу Кыргыз Республикасынын Башкы консулдугунун кызматкерлери кармалган адам менен жолугушуп, анын укуктарын жана мыйзамдуу кызыкчылыктарын коргоо боюнча юридикалык жардам көрсөтүштү.
Мурда министрликтин өкүлдөрү Б.Б.нын туугандары жана Кыргызстандагы анын компаниясынын өкүлү менен жолугушуп, кийинки кадамдарды жана юридикалык колдоону талкуулашты.
Учурда Кентукки штатында жергиликтүү укук коргоо органдары тарабынан тергөө иштери улантылууда.
Башкы консулдук абактын администрациясы, ошондой эле АКШнын Иммиграция жана бажы кызматынын регионалдык офисинин жана кармалган адамдын туугандары менен туруктуу байланышта. Бул жагдай Кыргыз Республикасынын Тышкы иштер министрлиги жана өлкөнүн АКШдагы чет өлкөдөгү мекемелери тарабынан көзөмөлдөнүүдө.
Даярдаган: Елизавета Близнюк
