Министрликтин кызматкерлери жабырлануучунун туугандары менен жолугушуу өткөрүштү. Ошол эле учурда, Чикагодогу Генералдык консулдук Б.Б. менен байланыш түзүп, зарыл жардам көрсөтүүдө.
Телефон аркылуу сүйлөшүү учурунда дипломаттар Б.Б.га консулдук жана укуктук маселелер боюнча кенен консультация беришти. Алар АКШнын мыйзамдарына ылайык кийинки кадамдар боюнча сунуштарды беришти.
Учурда Тышкы иштер министрлиги Б.Б.нын кайда экенин тактап жатат, жана маалымат тастыкталгандан кийин консулдук кызматкерлер анын менен жолугушуу уюштурууну пландаштырууда.
Министрликтин дипломаттары жана АКШдагы өкүлчүлүгү кырдаалдын өнүгүшүн жакындан көзөмөлдөп, жабырлануучунун туугандары менен туруктуу байланышта болуп, өз ыйгарым укуктарынын чегинде ар тараптуу юридикалык жардам көрсөтүүнү улантууда.
